اسلام آباد (ڈیلی پاکستان آن لائن )مسلم لیگ ن کے قائد نواز شریف کے وطن واپس نہ آنے کے معاملے پر حکومت نے ضامن شہباز شریف کے خلاف عدالت سے رجوع کرنے کا فیصلہ کرلیا ۔

میڈ یا رپورٹس کے مطابق حکومت کی جانب سے شہباز شریف کے خلاف لاہور ہائی کورٹ سے رجوع کیا جائے گا ۔شہباز شریف نے نواز شریف کی وطن واپس آنے کی ضمانت دی تھی ۔واضح رہے کہ گزشتہ کچھ دنوں سے نواز شریف کی وطن واپس موضوع بحث بنی ہوئی ہے ، لیگی رہنماﺅں نے نواز شریف کے جلد وطن لوٹنے کی بات کی تھی جس کے بعد سے اس موضوع پر بحث جاری ہے ۔ اس حوالے سے وفاقی وزیر اطلاعات فواد چوہدری کا کہنا تھا کہ نواز شریف خود وطن واپس نہیں آئیں گے بلکہ انہیں حکومت لے کر آئے گی۔

شیئر کریں

اپنا تبصرہ بھیجیں